Hymn 9 (Nine) - Nwed Ikwo

Angel voices (85.85.84.3)
RCH 252, MHB 668.
Mmo enyung edoho ke okposong uyo, ete, Eyen-erong emi ekewotde
omodot ndibo odudu. Erinyarare 5: 12.

1) Angel esikwo k’enyong ko, Ke itie ubong; 

Mmo ebre nkpo ikwo mmo Ke ofuri ini.

 Ediwak mmo edediong Fi, Enyung ekom Fi, Obong. 

2) Afo ek’odude k’ebiet Akanam mikwe; 

Mme Afo okop se’kwode, Nnyin ndiok owo? 

Mme Afo onyung ekpere K’edikere Nnyin, Obong? 

3) Ih, utom Afo anamde Ofofon eti; 

Akanam ubok y’uyo nnyin Man ikpono Fi; 

Mme edi utom ubok nnyin, Ye ifiok nnyin, Kpukpru mmo. 

4) Ke ufok Fo O Abasi, Nnyin ino nkpo, 

Emi Afo okonode, Man itoro Imo. 

Esit, ye ibuot, ye uyo nnyin, Ye ido nnyin, K’edikwo. 

5) Se itoro ye odudu, Mmo eyene Fi. 

O Ete, Eyen , ye Spirit, Nnyin ikpono Fi. 

Kpukpru se odude k’isong Ye ke Heaven, Enyene Fi,